«Հետհեղափոխական շրջանում՝ 2019-ին, և՛ ձեռքբերումներ եղան, և՛ բացթողումներ, բայց բարեբախտաբար բախտորոշ բացթողումներ և վտանգավոր սխալներ չեղան»,- այս մասին «Առաջին լրատվական»-ի հետ զրույցում ասաց քաղաքագետ Վիգեն Խաչատրյանը՝ հավելելով, որ արտաքին հարաբերություններում գրանցվում են հաջողություններ, ներքին քաղաքականության մեջ՝ կառավարման համակարգում տգեղ երևույթները վերացման ճանապարհին են: Քաղաքագետի դիտարկմամբ՝ շատ դրական է, որ կոռուպցիոն ախտը վերացել է իշխանական համակարգի վերևի շերտերում և աստիճանաբար կիջնի ներքև:
«Լայն դաշտ է բացվել խոսքի ազատության համար, իսկ դա գրավական է, որ կոպիտ սխալներ չեն արվի: Մեծացել է իշխանության հաշվետվողականությունը և գործունեության թափանցիկությունը: Իշխանությունը խոշորացույցի տակ է հայտնվել, ինչը նրան միշտ կպահի չափի մեջ»,- նկատեց քաղաքագետը: – Ակնհայտ է, որ քաղաքական ուժերն այլևս իշանություն չեն ստանձնելու իրենց կյանքը դասավորելու և գռփելու համար, այս երևույթը վերանում է. նոր իշխանության նվաճումը սա է»:
Վ. Խաչատրյանը նաև հավելեց, որ վստահ է՝ 2020 թվականին քաղաքական դաշտը կբյուրեղանա և կմաքրվի, առճակատումներ չեն լինի. «Մեզ պետք է քաղաքական բազմազանություն»:
Մանրամասն՝ տեսանյութում։
