Ինչպիսի՞ն էր 2019 թվականը Արագածոտնի մարզի համար․ «Առաջին լրատվական»-ի հարցին Արագածոտնի մարզպետ Դավիթ Գևորգյանը պատասխանեց․ «Իմ կարծիքով՝ 2019 թվականն Արագածոտնի մարզի համար շատ լավն էր։ Ամպագոռգոռ բառեր չեմ օգտագործի, բայց բազմաթիվ ոլորտներում ունենք գրանցած շատ արդյունքներ, որոնք, առնվազն, ոգևորող են։ Գյուղատնտեսության, առողջապահության ոլորտներում ունենք մեծ առաջընթաց, և կարող եմ ասել, որ 2020 թվական մտնում ենք պատրաստված ու շատ ավելի ամուր հիմքերով»։
Իսկ որո՞նք կլինեն մարզի համար գերակա ուղղությունները․ «Առաջին լրատվական»-ի հարցին Դավիթ Գևորգյանը պատասխանեց․ «Ուղղությունները չեն փոխվելու՝ կրկին սոցիալ-տնտեսական վիճակի բարելավման ուղղությամբ են լինելու մեր աշխատանքները։ Բազմաթիվ ծրագրեր կան, որոնց մեկնարկը տրվել է 2019 թվականին։ Ես լիահույս եմ, որ «Իմ քայլը հանուն Արագածոտնի» համաժողովի ժամանակ ներկայացված ծրագրերի մեկնարկի մասին մենք կհայտարարենք 2020 թվականի գարնանը։ Հույս ունեմ, որ արդյունքներն ակնառու են լինելու, և մեր շատ ընդդիմախոսներ կտեսնեն այդ արդյունքները։
Կարող եմ ասել, որ 2018 թվականի թավշյա, ոչ բռնի հեղափոխությունից հետո մենք բավականին ուրիշ փուլ մտանք, և հետհեղափոխական էմոցիոնալ փուլը հաղթահարվեց, և 2019 թվականին հստակ ուղենշվեցին այն ճանապարհները, որով մենք պետք է շարժվենք առաջ։ Այդ առումով` ես կարծում եմ, որ 2020 թվական մենք շատ ավելի հստակ ու պատկերացնելով ենք մտնում»։
Մանրամասները՝ տեսանյութում։
