2019-ին Նորվեգիայի մայրաքաղաք Օսլոյում ճանապարհատրանսպորտային վթարների հետևանքով միայն մեկ մարդ է մահացել: Այս մասին ուրբաթ՝ հունվարի 3-ին, հաղորդել է Atesposten հանրային ճանապարհների տեղական գործակալությունը:
2019 թ․ Օսլոյում տեղի ունեցած վթարի միակ զոհը չափահաս տղամարդ է, որը մահացել է սեփական ավտոմեքենայով ցանկապատին բախվելու հետևանքով:
Հատկանշական է, որ 2018-ին Օսլոյում տեղի ունեցած ճանապարհատրանսպորտային պատահարի հետևանքով 5 մարդ էր զոհվել:
1975-ին Օսլոյում տեղի ունեցած վթարների հետևանքով զոհերի թիվը հասնում էր 41-ի: Այդ ժամանակվանից ի վեր նկատվել է զոհերի թվի նվազման միտում, քանի որ 1970-ականների վերջին սկսվեցին ճանապարհային անվտանգության պահպանմանն ուղղված լրացուցիչ միջոցառումներ` պառկած ոստիկաններ և արագության սահմանափակումներ:
Վարչակազմը նշել է, որ ՃՏՊ-ի հետևանքով զոհերի թվի նվազմանը նպաստել է հատկապես Օսլոյի կենտրոն մասնավոր տրանսպորտային միջոցների մուտքի սահմանափակումը:
Ստեղծվել են նաև ավելի շատ հեծանվային ուղիներ, ինչի արդյունքում նորվեգացիները սկսել են ավելի հաճախ հեծանիվ վարել: Միևնույն ժամանակ, հեծանվային գոտիները առանձնացվել են ավտոճանապարհներից՝ էապես նվազեցնելով լուրջ վթարների վտանգը: