Միացյալ Նահանգները Իսլամական հեղափոխության պահապանների գեներալների կորպուսի (ԻՀՊԿ՝ Իրանի զինված ուժերի մի մաս) տեղաշարժի մասին տվյալները կարող էր ստանալ Իսրայելից՝ ասել է ԻՀՊԿ-ի նախկին ղեկավար Մոհսեն Ռեզաին:
«Մեծ հավանականություն կա, որ Սիրիայի միջոցով Իսրայելը տեղեկություններ է ստացել գեներալ Սոլեյմանի թռիչքի մասին և այդ տեղեկությունը փոխանցել է Միացյալ Նահանգներին»,- ասել է Ռեզաին IRIB TV2-ին՝ նշելով, որ ինքը Սոլեյմանիի սպանությունը համարում է պլանավորված գործողություն ինչպես ԱՄՆ-ի, այնպես էլ Իսրայելի կողմից:
Նա դա բացատրել է նրանով, որ արտերկրում Իրանի ռազմական գործողությունների պատասխանատու Սոլեյմանին մահվան նախօրեին գտնվել է Սիրիայում, որտեղից արդեն մեկնել էր Իրաք: Ժամանելով Բաղդադ՝ նա նստել է ավտոմեքենա, որին հարվածել է ամերիկյան անօդաչուն՝ նշել է Ռեզաին:
Ավելի վաղ իրանական հեռուստատեսությունը հաղորդել էր, որ բարձրաստիճան զինվորականը զոհվել է ուղղաթիռի հրետակոծության հետևանքով: