Հունվարի 1-ից Ամստերդամ ժամանող զբոսաշրջիկները ստիպված կլինեն վճարել լրացուցիչ 3 եվրո իրենց՝ այնտեղ գտնվելու յուրաքանչյուր գիշերվա համար՝ գրում է The Telegraph-ը:
Հատկանշական է, որ 3 եվրոն բնակարանների արժեքի գործող հարկի 7%-ն է կազմում է: Ճանապարհորդները, ովքեր կացարաններ են ընտրում Airbnb-ի միջոցով, 10% կվճարեն քաղաքում գիշերելու համար:
Ըստ Նիդեռլանդների զբոսաշրջության խորհրդի ծրագրային փաստաթղթի՝ նոր միջոցներն անհրաժեշտ են այցելուների հոսքը վերահսկելու համար:
«Այս ուղղությունը խթանելու փոխարեն ժամանակն է զբաղվել դրա կառավարմամբ», – ասվում է տեքստում:
Հրապարակման համաձայն՝ Ամստերդամը տարեկան ընդունում է ավելի քան 17 միլիոն զբոսաշրջիկ: