2019 թվականի տվյալներով Disney կինոստուդիան աշխարհով մեկ 11,1 միլիարդ դոլար դրամարկղային մուտքեր է գրանցել։ Այս մասին հաղորդում է Deadline-ը։
Փորձագետների կարծիքով, նման բարձր ցուցանիշները դժվար թե հնարավոր լինի կրկնել մոտ ժամանակներս, քանի որ դրանք կապված են միանգամից վեց ֆիլմերի հաջողության հետ․ «Վրիժառուները․ Եզրափակիչ», «Կապիտան Մարվել», «Խաղալիքների պատմություն – 4», «Առյուծ արքա», «Ալադին», «Սառցե սիրտը 2»։ Նշվում է, որ այս ֆիլմերից յուրաքանչյուրը ստուդիային ավելի քան մեկ միլիարդ դոլար է բերել։ Disney-ի նախորդ ռեկորդը 7,6 միլիարդ դոլար է եղել՝ 2016 թվականին։
