Միացյալ Նահանգների Պաշտպանության նախարարությունը հավանություն է տվել Մերձավոր Արևելք լրացուցիչ զորք ուղարկելուն, հաղորդում է Reuters-ը։ Նշվում է, որ զինվորականների թիվը մոտ երեք հազար է կազմելու։
Գործակալության տվյալներով, տվյալ որոշումը ընդունվել է նախազգուշական նկատառումներով ՝ «աճող սպառնալիքի» պատճառով։
Ինչպես հաղորդվել է ավելի վաղ, հունվարի 3-ին ԱՄՆ հրթիռային հարվածի արդյունքում սպանվել է Իրանի Իսլամական հեղափոխության պահապանների կորպուսի (Իրանի ԶՈՒ ընտրատեսակ ուժեր) «Ղոդս» հատուկ ստորաբաժանման հրամանատար Ղասեմ Սուլեյմանին։ Բաղդադի միջազգային օդանավակայանի մոտ, որի մերձակայքում տեղակայված են ամերիկյան ռազմակայանները, հզոր պայթյուններ են որոտացել։ Հարվածը հասցվել է ԱՄՆ նախագահ Դոնալդ Թրամփի կարգադրությամբ։ Իրանի նախագահ Հասան Ռոուհանին խոստացել է, որ «Իրանը և տարածաշրջանի մյուս երկրները վրեժ կլուծեն Ամերիկայից»։
