Դատաիրավական համակարգի հետ ապրիլյան խորհրդակցությունից հետո հուլիսի 13-ին Սերժ Սարգսյանը դատաիրավական համակարգի խնդիրների վերաբերյալ հերթական խորհրդակցության ժամանակ քննադատեց ոչ միայն դատարաններում, այլև նախաքննական մարմիններում ամիսներ, նույնիսկ տարիներ ձգձգվող գործերի քննությունը՝ ընդգծելով, որ դա ստվեր է գցում վճիռների արդարացիության վրա:
Արդյունքում մի երկրում, որտեղ Սահմանադրությամբ հռչակված է անկախ դատական իշխանություն, երկու ամիսը մեկ նախագահը կանչում հրահանգներ է տալիս, ու ոչ մի արդյունք…
Հելսինկյան ասոցիացիայի նախագահ Միքայել Դանիելյանը մեզ հետ զրույցում նշեց, որ դրա վերաբերյալ ընդհանրապես կարծիք չի կարող հայտնել, որովհետև դա իսկապես անհեթեթություն է: «Մարտի 1-ի չբացահայտման, առկա դատավճիռների պայմաններում խոսել թե՛ դատական համակարգի, թե՛ քաղաքական մարմինների աշխատանքի մասին՝ անիմաստ է: Նախագահը փորձում է ցույց տալ, թե Հայաստանի իշխանությունները փորձում են Հայաստանում իրավական պետություն ստեղծել և օրինականություն հաստատել: Բայց դա ծիծաղելի է, քանի որ հաստատողը հենց իրենք են և իրենք էլ չեն անում»,- եզրափակեց Միքայել Դանիելյանը: