Ռուսաստանի նախագահի մամուլի քարտուղար Դմիտրի Պեսկովը մեկնաբանել է Կրեմլի կայքում Վրաստանի առաջնորդներ Վլադիմիր Զելենսկիի և Սալոմե Զուրաբիշվիլիի հասցեին շնորհավորանքի բացակայության հետ կապված իրավիճակը, հայտնում է «Գազետա.ռու»-ն:
«Ոչ բոլոր առաջնորդներն են ընդգրկվել հաղորդագրության մեջ: Անհրաժեշտության դեպքում տեղեկատվությունը կլրացվի»,- բացատրել է Պեսկովը:
Միևնույն ժամանակ, այն հարցին, թե արդյոք Պուտինը կարող է առանձին շնորհավորել Զելենսկիին, խոսնակը պատասխանել է, որ շատ հավանական է լրացումներ լինեն այս տեղեկատվության մեջ:
Ավելի վաղ Կրեմլի մամուլի ծառայությունը հրապարակել է այն երկրների առաջնորդների ցուցակը, որոնց Ռուսաստանի ղեկավարը շնորհավորել է Ամանորի և Սուրբ Ծննդյան կապակցությամբ:
Պուտինը շնորհավորել է ԱՄՆ նախագահ Դոնալդ Թրամփին, Թուրքիայի նախագահ Ռեջեփ Թայիփ Էրդողանին, Բելառուսի առաջնորդ Ալեքսանդր Լուկաշենկոյին, Ֆրանսիայի և Սիրիայի նախագահներ Էմանուել Մակրոնին և Բաշար Ասադին, Գերմանիայի կանցլեր Անգելա Մերկելին, Մեծ Բրիտանիայի Թագուհի Եղիսաբեթ II-ին և Մեծ Բրիտանիայի վարչապետ Բորիս Ջոնսոնին և այլոց: