Մեծ Բրիտանիայի ԱԳՆ-ն իր կայքում հրապարակել է 2019 թվականին իր երկրի քաղաքացիների և օտարերկրացիների ամենատարօրինակ խնդրանքների ցուցակը: 12 ամսվա ընթացքում դիվանագետները ստացել են մոտ 330 հազար զանգ:
Այսպիսով, զանգահարողներից մեկը Մեծ Բրիտանիայի արտաքին գործերի նախարարությանը խնդրել է տալ ամերիկացի ռեփեր 50 Cent-ի հեռախոսահամարը, որպեսզի վերջինիս հետ խոսի: Մեկ այլ տղամարդ դժգոհել է ինքնաթիռում սննդից և խնդրել, որ իրեն հետ ուղարկեն այլ ավիաընկերության ինքնաթիռով: Մեկ այլ բրիտանացի հարցրել է՝ հնարավո՞ր է, որ Բրիտանիայի դեսպանատան աշխատակիցները ֆրանսիական հյուրանոցում փնտրեն իր կորած ականջակալները:
Կինը էլեկտրոնային նամակ է գրել Արտաքին գործերի նախարարությանը՝ պարզելու, թե արդյոք ինքը կարող է Տեխասում Մեծ Բրիտանիայի հյուպատոսարանում A4 չափի 30 հատ թուղթ գնել: Մեկ այլ կին դիվանագետներին խնդրել է օգնել Քաթարում դիմահարդարների հարցում օգնել իրեն, քանի որ դժգոհ է նախորդների աշխատանքից:
Մեկ այլ զանգահարող հարցրել է՝ կարո՞ղ է իր որդին բրիտանական քաղաքացիություն ստանալ, քանի որ նրա հավաստմամբ, որդին բեղմնավորվել է Մեծ Բրիտանիայում: Չինաստանից մի զույգ, որը պլանավորել է արհեստական բեղմնավորման պրոցեդուրա անցնել, ցանկացել է իմանալ, արդյոք Արտաքին գործերի նախարարությունը կկարողանա ստուգել սերմնահեղուկի նմուշի ազգային պատկանելությունը և հաստատել դոնորի բրիտանական քաղաքացիությունը: