Գերմանական Lufthansa-ի դուստր ձեռնարկության բորտուղեկցորդները գործադուլ են հայտարարել, ինչի հետևանքով ավելի քան 170 թռիչք է չեղարկվել առաջիկա երեք օրում, հայտնում է AP-ն:
Խոսքը Eurowings լոուքոստի մասին է, որը հարյուրավոր չվերթներ է չեղարկել Germanwings լոուքոստի բորտուղեկցորդների գործադուլի պատճառով: Վերջինս Eurowings-ի քույր ընկերությունն է, և երկուսն էլ Lufthansa-ի դուստր ձեռնարկություններն են:
Ամենից շատ չեղարկվել են ներքին թռիչքները՝ Քյոլն-Բոնի, Դյուսելդորֆի, Համբուրգի, Մյունխենի, Շտուտգարտի օդանավակայաններից:
Eurowings-ն արդեն ներողություն է խնդրել և հայտարարել, որ փորձում է նվազագույնի հասցնել գործադուլի բացասական ազդեցությունը ուղևորների վրա: Չնայած գործադուլին, ձմեռային տոների ընթացքում մնացած հազար չվերթները կիրականացվեն ըստ ժամանակացույցի:
Բորտուղեկցորդները գործադուլ են հայտարարել, քանի որ մերժվել է նրանց կես դրույքով աշխատելու խնդրանքը:
