Travel and Leisure զբոսաշրջային կայքը կազմել է այն վայրերի ցուցակը, որոնք արժե այցելել 2020-ին:
Ցանկում 50 ուղղություն է նշված: Փորձագետներն առաջին տեղը հատկացրել են Եթովպիայի մայրաքաղաք Ադիս Աբեբային: Զբոսաշրջիկներին առաջարկվում է այցելել Մենելիկի պալատ, որը երկար տարիներ եղել է կայսրերի նստավայրը, և որտեղ այսօր գտնվում է վարչապետ Աբի Ահմեդ Ալիի գրասենյակը: Կարելի է այցելել նաև եթովպացի նկարիչ Զոմայի անվան ժամանակակից արվեստի կենտրոն: Ներսում կան ժամանակակից աֆրիկյան արվեստի և բնապահպանական նախագծերի ցուցանմուշներ:
Երկրորդ տեղում Պերուի հնագույն Արեկիպա քաղաքն է: 2000 թվականին նրա պատմական կենտրոնն ընդգրկվել է ՅՈՒՆԵՍԿՕ-ի Համաշխարհային ժառանգության ցանկում: Այստեղ զբոսաշրջիկները հնարավորություն են ունենում ապրելու Սուրբ Օգոստինոսի եկեղեցու հարևանությամբ գտնվող հյուրատանը, որը հայտնի է իր փորագրված բարոկկո ճարտարապետությամբ:
Երրորդ տեղը բաժին է ընկել Հյուսիսային Կարոլինայի Աշվիլ քաղաքին, որտեղ ապրում են փողոցային արվեստագետներ և երաժիշտներ: Սեպտեմբերին տեղի է ունենում ստեղծագործական խոհարարական փառատոն «Chow Chow»-ն՝ վարպետության դասընթացներով, յոգայի դասընթացներով և կենդանի երաժշտության համերգներով:
Առաջին տասնյակում ներառվել են նաև Ավստրիան, Մեքսիկայի ամենահյուսիսային նահանգը՝ ներքին Կալիֆոռնիան, Բարբադոսը, Պեկինը, Հավայան կղզիները, Բոտսվանան և Բոստոնը: