ԱՄՆ-ը պատրաստ Է անհրաժեշտության դեպքում լրացուցիչ գործողություններ ձեռնարկել Իրանի դեմ: Այդ մասին հայտարարել Է Պենտագոնի ղեկավար Մարկ Էսփերը՝ մեկնաբանելով Իրաքում եւ Սիրիայում «Հըզբոլլահ» շարժման օբյեկտներին ԱՄՆ-զինված ուժերի հարվածները:
Ավելի վաղ Պենտագոնում հայտարարել են, որ ԱՄՆ-ը հարվածներ Է հասցրել «Հըզբոլլահ» շարժման հինգ օբյեկտների Իրաքում և Սիրիայում «ի պատասխան Իրաքի ռազմակայանների վրա կրկնվող գրոհների»: Պաշտպանական գերատեսչությունում պարզաբանել են, որ այդ գործողությունները ձեռնարկվել են որպես պատասխան Քիրքուկի մերձակա իրաքյան ռազմակայանի վրա շարժման գրոհների, որոնք հանգեցրել են ԱՄՆ-ի քաղաքացու մահվան և չորս ամերիկացի զինծառայողների վիրավորման: Պենտագոնում նշել են, որ այդ հարվածները միտված են այն բանին, որ նվազեցվի կոալիցիայի ուժերի դեմ «ապագայում գրոհներ» իրականացնելու՝ խմբավորման հնարավորությունները: ԱՄՆ-ը մեղադրում Է Իրանին «Հըզբոլլահ»-ին հովանավորելու մեջ:
Շիա մարտիկների թիվը, որոնք զոհվել են Սիրիային սահմանակից Էլ Քայիմ քաղաքում «Հըզբոլլահ» իրաքյան խմբավորման հենակետի վրա ԱՄՆ-ի ռազմաօդային ուժերի հարձակման հետևանքով, հասել Է 25-ի: Դեկտեմբերի 29-ին այդ մասին հայտնել Է As Sumaria հեռուստաալիքը:
Եվս 38 աշխարհազորային վիրավորվել Է: Իրաքի նախագահ Բարհամ Սալեհը «Հըզբոլլահ»-ի հենակետի վրա ԱՄՆ-ի ռազմաօդային ուժերի հարվածները որակել Է ազգային անկախության խախտում: Հանրապետության վարչապետի պաշտոնակատար Ադել Աբդել Մահդին իր հերթին կոչ Է արել՝ Իրաքի ղեկավարության արտակարգ խորհրդակցություն անցկացնել և քննարկել ստեղծված իրադրությունը:
