Եվրոպայում ամանորյա արձակուրդները հիմնականում տևում են 3-5 օր: Իսկ դեկտեմբերի 15-ից հունվարի 15-ն ընկած ժամանակահատվածում կարևորվում է 3 օր՝
– Սուրբ Ծնունդ ( դեկտեմբերի 25-ը՝ կաթոլիկների համար և հունվարի 7-ը՝ ուղղափառների համար),
– Նոր տարի (հունվարի 1);
– Աստվածահայտնություն ( հունվարի 6-ը՝ կաթոլիկների համար և հունվարի 19-ը՝ ուղղափառների համար):
Հետաքրքիր է, որ արևմտաեվրոպական երկրներում հանգստանում են ավելի քիչ, քան Եվրոպայի հարավային, հյուսիսային կամ արևելյան հատվածներում: Ֆրանսիայում, Մեծ Բրիտանիայում և Գերմանիայում սահմանափակվում են 2-3 օրով, իսկ Լեհաստանում, Ռումինիայում, Իտալիայում այդ օրերը 4-ն են, Սլովակիայում և Չեռնոլոգրիայում՝ հինգ, իսկ Շվեդիայում՝ 6:
Այս առումով առաջատար են Ռուսաստանը և Հայաստանը: Հայաստանում բնակչությունը կհանգստանա դեկտեմբերի 31-ից հունվարի 7-ը: Դեկտեմբերի 31-ից հունվարի 2-ն ամանորյա տոներն են, 3-ին, 4-ին և 5-ին՝ նախածննդյան տոները, հունվարի 6-ին՝ Սուրբ ծնունդն ու Աստվածհայտնությունը:
Առաջատարներին մոտ է նաև Լիխտեյնշտեյնը՝ 7 հանգստյան օրով: Այստեղ սկսում են հանգստանալ դեկտեմբերի 24-ից: Դեկտեմբերի 25-ին դիմավորում են Սուրբ ծնդունդը, 26-ի նշվում է Սուրբ Ստեփանի օրը, 31-ն Ամանորի շեմն է, հունվարի 1-ը՝ Նոր տարին, 2-ը՝ Սուրբ Բերթոլդի օրը, իսկ հունվարի 6-ին նշվում է Աստվածհայտնությունը:
Ուկրաինայում տեղացիները կկարողանան հանգստանալ 5 օր:
Իսկ ահա բրազիլացիները, կանադացիները և ամերիկացիները կարող են չաշխատել 2 օր՝ Սուրբ ծնունդին և Ամանորին:
Ասիական երկրներում սովորաբար նշում են միայն մեկ տոն՝ հունվարի 1-ը: Այդպիսի ավանդույթ է գործում, օրինակ՝ Չինաստանում և Ճապոնիայում: