Ֆրանսիացի ձեռներեցը, թվային տեխնոլոգիաների ստարտափ ընկերության հիմնադիրներից մեկը, աշխատանքից ազատվելու համար վրեժխնդրությունից դրդված 1.1 միլիոն եվրո է գողացել, հաղորդում է Le Parisien պարբերականը:
Ընկերությունը հիմնադրվել է Փարիզում 2013 թվականին և հաջողությամբ գործել է աճող շահույթով: Սակայն, աստիճանաբար ղեկավար կազմում ուժեղ կոնֆլիկտ է առաջացել՝ կապված ընկերության զարգացման ռազմավարության հետ: Արդյունքում նրա ստեղծողներից մեկին հեռացրել են աշխատանքից: Էլեկտրոնիկայի և թվային տեխնոլոգիաների այդ մասնագետը լքել է երկիրը՝ որոշելով աշխատանքի անցնել արտերկրում:
Գործելով Ֆրանսիայի սահմաններից դուրս, նա ընկերությունից 182 բիթքոին է հափշտակել, որը 1.1 միլիոն եվրո է կազմում: Սա կրիպտոարժույթի երրորդ խոշորագույն գողությունն է ժամանակակից Ֆրանսիայի պատմության մեջ: Անօրինական գործողությունը փորձագետի կողմից իրականացվել է 2018 թվականի դեկտեմբերից մինչև 2019 թվականի հունվարն ընկած ժամանակահատվածում:
Մասնագետը քաջատեղյակ էր ընկերության էլեկտրոնային համակարգի առանձնահատկություններին: Նա ընկերության հաշիվներից կրիպտոարժույթը հանել է մի քանի մոտեցմամբ, ամեն անգամ հանելով այն մակարդակից ցածր, որի դեպքում ավտոմատ կերպով տագնապի ազդանշան է ուղարկվում:
37-ամյա տղամարդը ձերբակալվել է դեկտեմբերի 22-ին Կալվադոս դեպարտամենտում: Նրան մեղադրանք է առաջադրվել հանցավոր խմբի կազմում գումար հափշտակելու, դրանց լվացման մեջ: