FeganScott իրավաբանական ընկերությունը գնահատել է հանրաճանաչ սմարթֆոնների անվտանգությունը: Փորձագետները պարզել են, որ iPhone-ի և Samsung-ի որոշ մոդելներ գերազանցում են էլեկտրամագնիսական ճառագայթման մարդու առողջության համար անվտանգ մակարդակը, հայտնում է Gizchina-ն:
Թեստերն անցկացրել են ԱՄՆ Կապի դաշնային հանձնաժողովի (FCC) կողմից հավաստագրված անկախ լաբորատորիաները: Առավել վտանգավոր սարքերի ցանկում փորձագետներն առանձնացրել են iPhone 7 Plus, 8, XR, Samsung Galaxy S8, S9 և S10 մոդելները: Մասնավորապես, Samsung Galaxy S8-ը թույլատրելի սահմանը գերազանցել է երեք անգամ, իսկ iPhone 8-ը՝ հինգ:
FeganScott-ի ներկայացուցիչը հայտարարել է, որ սմարթֆոններ արտադրողները պետք է պատասխանատվություն կրեն իրենց արտադրանքի համար, մանավանդ, եթե իրենց գաջեթները ճառագայթման թույլատրելի մակարդակը գերազանցում են 500 %-ով: Մասնավորապես, իրավաբանական ընկերությունը պահանջում է, որ Apple ը և Samsung-ը վճարեն սմարթֆոններից տուժածների բուժման համար:
