ՍԴ նախագահ Հրայր Թովմասյանը հարցաքննվել է, ցուցմունքներ չի տվել: Նրան մեղադրանք է առաջադրվել պաշտոնեական լիազորությունները չարաշահելու համար, որն անզգուշությամբ առաջացրել է ծանր հետևանքներ: Խոսքն այն հայտնի քրեական գործի մասին է, որով մեղադրանք էր առաջադրվել Թովմասյանի սանիկին՝ Նորայր Փանոսյանին:
Ըստ տարածած հաղորդագրության՝ տվյալներ են ձեռք բերվել Հրայր Թովմասյանի արդարադատության նախարար եղած ժամանակահատվածում Նորայր Փանոսյանի, արդարադատության նախարարության ու Երևանի քաղաքապետարանի այլ պաշտոնատար անձանց կողմից իրենց պաշտոնեական լիազորությունները չարաշահելու դեպքերի վերաբերյալ:
Հրայր Թովմասյանն իրեն ներկայացնում է քաղաքական հետապնդման համատեքստում: Թեմայի շուրջ «Առաջին լրատվական»-ի հետ զրույցում փաստաբան Կարապետ Բադալյանն անդրադառնալով այս դիտարկմանը նշեց, որ նախկին իշխանության ներկայացուցիչները, որոնք քրեական հետապնդման են ենթարկվում, իրենք իրենց ներկայացնում են որպես քաղաքական հետապնդման ենթարկվողներ, սակայն դա ընդամենը մոդայիկ դարձած, անհիմն արդարացման եղանակ է… Կարծում եմ՝ նախաքննության մարմինը բավարար ապացույցների համակացություն ունի մեղադրանք ներկայացնելու և՛ Հրայր Թովմասյանին, և՛ նրա սանիկին:
Փաստաբանը նաև ընդգծեց, որ 2005թ. Սահմանադրությունը չի գործում, ՍԴ անդամները զրկված են անձնական անձեռնմխելիությունից:
Մանրամասն՝ տեսանյութում: