Իրավապահները հայտնաբերել են գողացված ЗИС-115 եզակի սովետական լիմուզինը, որով 1949 թվականից երթևեկում էր ԽՍՀՄ նախարարների խորհրդի նախագահ Իոսիֆ Ստալինը: Այս մասին հաղորդել է Baza-ն:
Մեքենան հայտնաբերվել է մի ավտոտնակում: Ըստ Baza-ի, ամենայն հավանականությամբ, առևանգողները ցանկացել են փոխել պետհամարանիշը և մեքենան տանել մեկ այլ վայր: Առևանգիչներին ձերբակալել չի հաջողվել:
Ստալինի լիմուզինի առևանգման մասին հայտնի դարձավ դեկտեմբերի 27-ին։
Վեց գող մտել են ավտոտնակ, մեքենան բեռնել են էվակուատորի վրա և տարել անհայտ ուղղությամբ: Ըստ փաստաթղթերի, մեքենան պատկանում է ուկրաինացի մի օլիգարխի անվտանգության ծառայության ղեկավար Ռուսլան Թարփանին: Գողացված լիմուզինը գնահատվել է 2,5 միլիոն եվրո:
ЗИС-115-ը բարձրակարգ սովետական զրահապատ մեքենա է: Մի քանի սերիա արտադրվել է 1949-1955-ին՝ Ստալինի անվան ավտոգործարանում: Ընդհանուր առմամբ արտադրվել է 56 հատ: Մեքենան նախատեսված էր Խորհրդային Միության Կոմունիստական կուսակցության բարձրագույն ղեկավարների` ՀԱՄԿ(բ)Կ ԿԿ բյուրոյի անդամների, հիմնականում ԽՍՀՄ առաջնորդ Իոսիֆ Ստալինի համար: