ԱՄՆ-ը բարձրացրել է ծխախոտի վաճառքի նվազագույն տարիքը: Հիմա 18 տարին լրացած անձինք չեն կարողանա ծխախոտ գնել: Համապատասխան օրենքն ուժի մեջ է մտել դեկտեմբերի 28-ից, գրում է ՏԱՍՍ-ը:
ԱՄՆ-ում արգելվում է ցանկացած ծխախոտային արտադրանք վաճառել մինչև 21 տարեկան անձանց: Օրենքի նախագիծը ԱՄՆ նախագահ Դոնալդ Թրամփը ստորագրել է դեկտեմբերի 20-ին:
2013-ին Նյու Յորքը դարձավ առաջին խոշոր քաղաքը, որը բարձրացրեց ծխախոտի վաճառքի տարիքային սահմանը՝ 18-ից դարձնելով 21 տարեկան: Ծխելու դեմ պայքարի միջոցառումների ակտիվ աջակիցը նախկին քաղաքապետ Մայքլ Բլումբերգն էր: 2013-ի մարտին նա առաջարկել էր օրենք ընդունել, որով արգելվում ծխախոտը ցուցադրել դարակաշարերին, ցուցափեղկերին ու դրամարկղերում: Սա, ըստ քաղաքապետի, մարդկանց կպաշտպանի ծխախոտ գնելու գայթակղությունից:
