Ղազախստանի բնակիչ Պոլինա Դիշլյուկը «Զվեզդա»-ի հետ զրույցում ասաց, որ ինքն ու երեխաները հրաշքով չեն կարողացել թռչել Bek Air ավիաուղիների Ալմաթի-Նուր-Սուլթան ինքնաթիռով, որը վթարի էր ենթարկվել նախորդ օրը, հայտնում է «ՌԻԱ Նովոստին»:
Աղջիկը պատմել է, որ ստիպված փոխել է տոմսերը, քանի որ մանկապարտեզի ցերեկույթը տեղափոխվել էր:
«Այսօր բոլորն ասում են, որ ես ու երեխաներս բախտավոր աստղի տակ ենք ծնվել: Ես շատ զայրացած էի, որ տոմսերը վերադարձրել եմ և նեղվում էի գնացքով ճամփորդելու անհարմարությունից. լավ է, որ ամեն ինչ այդպես ստացվեց», – ասաց նա:
Վթար Ալմաթիի մոտակայքում
Նախորդ օրը՝ դեկտեմբերի 27-ի առավոտյան, Bek Air ավիաընկերության Fokker-100 ինքնաթիռը, որն Ալմաթիից թռչում էր Նուր-Սուլթան, կորցրել է բարձրությունը, ջարդել բետոնե ցանկապատն ու բախվել երկհարկանի շենքի: Ինքնաթիռում 98 մարդ է եղել, այդ թվում՝ անձնակազմի հինգ անդամ:
Վթարի հետևանքով զոհվել է 12 մարդ, 47-ը տեղափոխվել են հիվանդանոց, այդ թվում՝ ինը երեխա:
Fokker-100 ինքնաթիռի չվերթերն ու ավիաընկերության գործունեությունը դադարեցվել են:
Ղազախստանի ՆԳՆ մամուլի ծառայության հաղորդմամբ, հետաքննությունը օդանավի կործանման հավանական վարկածների թվում համարում է տեխնիկական անսարքությունը, օդաչուների սխալը, ինչպես նաև եղանակային անբարենպաստ պայմանները:
Ղազախստանը շաբաթ օրը ազգային սուգ է հայտարարել: