«2019-ը լավ տարի էր: Այն, որ մշակույթի նախարարությունը, որպես գերատեսչություն, ամփոփվեց մի մեծ նախարարության կազմում, համարում եմ բնական, նորմալ երևույթ: Ես մշակույթի նախարարի պաշտոնում մեկ տարի աշխատելով՝ եկա այն եզրակացության, որ մշակութային գերատեսչություն ունենալու անհրաժեշտություն չկա: Իմ հիմնական փատարկները երեքն են՝ մշակույթը պետության կողմից վերահսկվելու գերատեսչական կանոնականացման կարիք չունի, դա գալիս է և՛ մեր ժողովրդի առանձնահատկություններից, և՛ մեր մշակույթի կառուցվածքային առանձնահատկություններից, և՛ մեր այսօրվա պեպտության ֆունկցիաներից: Մենք 5-10-րդ դարերում մշակույթի նախարարություններ չենք ունեցել, բայց ունեցել ենք վիթխարի մշակույթ»,- այս մասին «Առաջին լրատվական»-ի հետ զրույցում ասաց Հայաստանի անկախ հանրապետության մշակույթի առաջին նախարար, բանաստեղծ, թարգմանիչ Հակոբ Մովսեսը՝ հավելելով, որ այս ամենը չի նշանակում, թե պետությունը մշակույթի հանդեպ ֆինանսական պարտավորություններ չունի, ունի, բայց դրանք կատարելու համար ոչ գերատեսչական ձևեր պետք է գտնի. «Ամենակարևորը՝ մրցակցային սկզբունք մտցնելն է. սա մշակույթի սուրբ օրենքն է»:
«Մշակույթի ամեն մի ասպարեզում այդ ասպարեզի ներկայացուցիչները պետք է որոշումներ կայացնեն իրենց վերաբերող հարցերի վերաբերյալ: Եթե այդպես լիներ, ապա վերջին տասնամյակներում այսպիսի խայտառակ վիճակ չէր ստեղծվի, երբ վաստակավորների մի հեղեղ թափվեց մեր գլխին, այնինչ ո՛չ կարգին մշակույթ ունեցանք, ո՛չ էլ մեր ժողովուրդը հասկացավ, թե մեր մշակույթն ինչ է նշանակում»,- ընդգծեց Հակոբ Մովսեսը:
Մանրամասն՝ տեսանյութում։