Ղազախստանի կառավարությունը 4 միլիոն թենգե (10,5 հազար դոլար) կվճարի Bek Air ավիաընկերության ինքնաթիռի կործանման հետևանքով զոհվածների ընտանիքներին: Այդ մասին հայտարարել է երկրի վարչապետ Ասքար Մամինը:
Բացի այդ, կառավարության ղեկավարը ներքին գործերի նախարարությանը հանձնարարել Է անցկացնել ավիավթարի հետաքննություն, իսկ առողջապահության նախարարությանը հանձնարարվել Է բոլոր միջոցները ձեռնարկել տուժածների շուտափույթ ապաքինման համար:
«Վթարի պատճառների հետաքննության կառավարական հանձնաժողովն իր աշխատանքի նախնական արդյունքները պետք Է ամփոփի մինչեւ 2020 թվականի հունվարի 10-ը», ընդգծել Է վարչապետը:
Ալմաթի-Նուրսուլթան չվերթըն իրականացնող Fokker-100 ինքնաթիռը թռիչքից հետո կորցրել Է բարձրությունը, ճեղքել-անցել բետոնե արգելապատնեշը և բախվել երկհարկանի շենքի: Ողբերգության զոհ Է դարձել 12 մարդ, այդ թվում՝ օդանավի հրամանատար Մարատ Մուրատաբաևը: Հոսպիտալացվել Է 53 մարդ: Օդանավում եղել Է 93 ուղևոր և անձնակազմի 5 անգամ:
Ուղևորների թվում եղել Է չորս օտարերկրացի՝ Ուկրաինայի երկու քաղաքացի, Ղրղզստանի մեկ քաղաքացի և Չինաստանի մեկ քաղաքացի: Ավիաաղետից հետո Ղազախստանում դադարեցրել են Fokker-100-ի թռիչքները:
Ղազախստանի նախագահ Կասիմ-Ժոմարտ Տոկաևը դեկտեմբերի 28-ը սգո օր Է հայտարարել:
