Ռուսաստանի նախագահ Վլադիմիր Պուտինը նախընտրում է Նոր տարին նշել հարազատների և ընկերների հետ, եթե աշխատանքային գրաֆիկը թույլ է տալիս նրան: Այս մասին «Ռոսիա 1» հեռուստաալիքի եթերում ասել է պետության ղեկավարի մամուլի քարտուղար Դմիտրի Պեսկովը, հայտնում է ՏԱՍՍ-ը:
Կրեմլի ներկայացուցիչը հիշեցրել է, որ Պուտինը Նոր տարին բազմիցս նշել է Ռուսաստանի այլ քաղաքներում: Նրա խոսքերով, եթե Պուտինին այնուամենայնիվ հաջողվում է տոներին մնալ ընտանիքի և ընկերների հետ, ապա նա գերադասում է Նոր տարին համեստ դիմավորել: «Եվ, ըստ էության, դա նրա անձնական ժամանակն է, ինչը նա այնքան էլ հաճախ չի ունենում»,- շեշտել է նախագահի մամուլի-քարտուղարը:
Նոյեմբերի վերջին Դմիտրի Պեսկովը հայտարարել էր, որ Ռուսաստանի ղեկավարը բոլոր քաղաքացիների նման կաշխատի դեկտեմբերի 31-ին: Մամուլի-քարտուղարը նախագահի աշխատանքը համեմատել է դոմնային վառարանի հետ, որը հնարավոր չէ հանգցնել: