«Tunisair», «Vueling», «Ernest Airlines», «Bulgaria Air» և «Blue Air» ավիաընկերությունները 2019 թ.-ին մերժել են չեղարկված կամ հետաձգված չվերթների պատճառով փոխհատուցում ստանալու հիմնավորված պահանջների ավելի քան 99 %-ը, հաղորդել է AirHelp ընկերությունը, որը զբաղվում է ուղևորների իրավունքների պաշտպանությամբ:
Այս ցուցանիշը Եվրոպայի խոշորագույն Ryanair լոու-քոստ ընկերությունում կազմել է 98.4%, որին հաջորդում են Avianca-ն՝ 97.1%, AirBaltic-ը՝ 94.6%, easyJet-ը՝ 87.3% և «առաջատարների տասնյակը» եզրափակում է «Աերոֆլոտ»-ը՝ 86.2%-ով:
Համեմատության համար Wizz Air-ը մերժել է հիմնավորված դիմումների 61.4%-ը, իսկ UIA-ն մերժել է 48.3%-ը, ինչը համեմատելի է KLM-ի (47.9%) և Emirates-ի (48.8%) հետ:
Ուղևորների փոխհատուցման դիմումներն ամենաքիչը մերժվում են Transavia, HOP! (28%), Delta Air Lines (27.8%), Brussels Airlines (27.5%), American Airlines (27.4%), Icelandair (26.7%) և Eurowings (23.6%) ավիաընկերություններում:
