Ռուսաստանցիների գրեթե կեսը նախագահ Վլադիմիր Պուտինին է համարել տարվա քաղաքական գործիչ: Այդ մասին, ինչպես հաղորդել Է ՏԱՍՍ-ը, վկայում են հարցման արդյունքները, որը կատարել է Հասարակական կարծիքի ուսումնասիրման համառուսաստանյան կենտրոնը։
Պետության ղեկավարի օգտին քվեարկել Է հարցման մասնակիցների 46 տոկոսը: Այնուհետեւ մեծ տարբերությամբ գալիս է արտաքին գործերի նախարար Սերգեյ Լավրովը (15 տոկոս), նրան հաջորդում են պաշտպանության նախարար Սերգեյ Շոյգուն (10 տոկոս), Ռուսաստանի լիբերալ-դեմոկրատական կուսակցության առաջնորդ Վլադիմիր Ժիրինովսկին (7 տոկոս) և վարչապետ Դմիտրի Մեդվեդևը (6 տոկոս):
Հետազոտության մասնակիցներին նաև հարցրել են, թե իրենք քաղաքական գործիչներից ում կհրավիրեին իրենց տուն՝ ամանորյա սեղանի: Ռուսաստանցիների գրեթե կեսը (47 տոկոս) պատասխանել Է, որ քաղաքական գործիչներից ոչ մեկին չէր հրավիրի:
Պուտինին տոնակատարությանը կցանկանար հրավիրել հարցվածների 22 տոկոսը, Ժիրինովսկուն՝ 12 տոկոսը, Մեդվեդեւին՝ 4 տոկոսը: Հարցումը կատարվել Է 2019 թվականի նոյեմբեր – դեկտեմբերին, 18-ից բարձր տարիքի 1,6 հազար ռուսաստանցիների շրջանում՝ հեռախոսային հարցազրույցի մեթոդով:
