Միլիարդատեր Մայքլ Բլումբերգը նախընտրական քարոզարշավի ընթացքում օգտագործել է բանտարկյալների աշխատանքը՝ հայտնում է The Intercept-ը:
Նշվում է, որ կապալառու ընկերությունը Նյու Ջերսիի և Օկլահոմայի բանտերում քարոզարշավ իրականացնելու համար օգտագործել է զանգ-կենտրոնները: Կանանց ուղղիչ կենտրոնի բանտարկյալները Կալիֆոռնիայում զանգահարել են ընտրողներին: Եզրափակելով խոսակցությունը՝ նրանք ասել են, որ զանգը վճարվել է թեկնածուի կողմից, բայց չեն հստակեցրել, որ զանգահարում են բանտից:
Ըստ տեղեկությունների՝ բանտարկյալներն աշխատում են ProCom- ի համար: Միևնույն ժամանակ Մայքլ Բլումբերգի պաշտոնական ներկայացուցիչ Ջուլի Վուդն ասել է, որ թեկնածուի թիմը չգիտեր, որ բանտարկյալների աշխատանքն օգտագործվում է: Նա նշել է, որ իրենք երբեք դա թույլ չէին տա:
Ավելի վաղ Նյու Յորքի նախկին քաղաքապետ Մայքլ Բլումբերգը պաշտոնապես հայտարարել էր, որ մասնակցում է ԱՄՆ-ի նախագահական ընտրարշավին: Նա հայտարարել է, որ պատրաստվում է հաղթել Դոնալդ Թրամփին և վերականգնել Ամերիկան: