Զամբիայում ԱՄՆ դեսպանին հետ են կանչել միասեռականների իրավունքների պաշտպանության վերաբերյալ նրա ելույթի պատճառով։ Այս մասին գրում է The New York Times- ը:
Նշվում է, որ դիվանագետ Դենիել Ֆուտը դադարեցրել է իր պարտականությունների կատարումը այն բանից հետո, երբ քննադատել է տեղական իշխանություններին միասեռական զույգի ձերբակալության համար: Զամբիայի կառավարությունը զույգին դատապարտել է 15 տարվա ազատազրկման՝ «բնության դեմ ուղղված հանցագործության» համար:
Նշվում է, որ Ֆուտի քննադատությունը զայրացրել է Զամբիայի իշխանություններին: Նախագահ Էդգար Լունգուն ասել է, որ չի ցանկանում տեսնել դիվանագետին: Նա շեշտել է, որ իրեն նույնիսկ չի վախեցնում ԱՄՆ-ի կողմից 500 միլիոն դոլար օգնությունից զրկվելու հեռանկարը:
«Պրն. Ֆուտը այլևս չի կարող ստանձնել իր պաշտոնը»,- մեջբերում է ԱՄՆ պետդեպարտամենտը՝ հավելելով, որ դեսպանը մոտ է «անցանկալի անձ» դառնալուն: Ֆուտն ԱՄՆ-ի նախագահ Դոնալդ Թրամփի կողմից Զամբիայի դեսպան էր նշանակվել 2017-ի նոյեմբերին:
