Թերթը գրում է, որ Գեներալ Մանվել Գրիգորյանի թիկնապահները, որ էջմիածնում հայտնի են որպես «մանվելականներ» և քաղաքում ոնց ուզում ֆռֆռում են, օրերս էջմիածնի կենտրոնում բախվել են «կարծր ընկույզի»:
«Էջմիածնի Լեռնամերձ գյուղի նախկին բնակիչ Հայկոն, որն արղեն երկար տարիներ բնակվում է Մոսկվայում և քրեական աշխարհում հայտնի «օրենքով գող» Դեդ Հասանի մերձավոր շրջապատից է, ավտոմեքենան «մանվելականների» քիմքին ոչ հաճելի վայրում կայանելուց հետո, իր հասցեին անպարկեշտ արտահայտություն է լսում և մոտենում է նրանց՝ պարզելու, թե արդյո՞ք իրեն նկատի ունեին:
Մանվելականները մտածելով, որ նա էջմիածնի շարքային քաղաքացի է, որոշում են կարգազանցին պատժել և հաշվեհարդար տեսնել նրա հետ: Սակայն պարզվում է, որ իրենց դիմաց կանգնածն ինքն է ի զորու պատժել «պատժիչներին»: Բուռն խոսակցության արդյունքում «մանվելականները» հեռանում են՝ ետ վերադառնալու սպառնալիքով: Սակայն ավելի ուշ գեներալին պարզ է դառնում, որ իր տղաները հայհոյել են մի մարդու, որը ոչ միայն շարքային քաղաքացի չէ, այլև ի վիճակի է և կարող է հաշիվ պահանջել իրեն հանիրավի հայհոյելու համար»:
«Ցավալի է, որ անպատժելիության մթնոլորտը փոխում են ոչ թե մեր իրավապահները, այլ Մոսկվայից ժամանած քրեական հեղինակությունը, ում մասին, չափը կորցրած «մանվելականներից» հոգնած էջմիածինցիները արդեն հարգանքով ասում են՝ «Կարգին տղա էր»»,- հավելում է «Երկիր»-ը:
