Ռուսաստանի գլխավոր քրեական հեղինակություն Շաքրո Մոլոդոյը իր ազդեցությամբ կարողացել է վերջ տալ օրենքով գողեր Գուրամի և Չուրաձեի միջև հակամարտությանը, հաղորդում է Prime Crime լրատվական գործակալությունը:
Գողերի միջև թշնամանքը սկսվել է այն բանից հետո, երբ Գուրամն այս տարվա գարնանը Չուրաձեին հայտնել է Իտալիայում իրեն ծեծի ենթարկած քրեական հեղինակություններ Վատիայի և Գոգելիանիի հետ հաշիվ մաքրելու իր մտադրության մասին: Սակայն, Չուրաձեն Գուրամի ծրագրերի մասին հայտնել է Վատիային և կազմակերպել է նրանց հանդիպումը՝ բանսարկության համար Գուրամին գողի կարգավիճակից զրկելու նպատակով:
Հանդիպումը կայացել է հոկտեմբերին, բայց Գուրամն ամեն ինչ հերքել է: Չուրաձեի հետ նրա խոսակցության ժամանակ վկաներ չեն եղել, և Չուրաձեի միակ փաստարկը սեփական խոսքերն էին: Արդյունքում Չուրաձեն ծեծի է ենթարկվել և խառնակիչ հայտարարվել:
Մեկ շաբաթ անց Գուրամը հավաքել է գողերին, այդ թվում՝ Մաթևիչին, Ռեզոյին, Բեսոյին, Ռամազին, Էնցոյին և հայտարարել, որ Չուրաձեն պետք է զրկվի գողի կոչումից: Քրեական հեղինակությունները պատրաստ էին աջակցել նրան, բայց Գուրամը փոխել է իր որոշումը, երբ գործին միջամտել է Շաքրո Մոլոդոյը:
Իր ազդեցությամբ Շաքրոն կարողացել է ոչ միայն հարթել հակամարտությունը, այլ այնպես անել, որ Չուրաձեն այժմ պարտքի տակ է նրա առաջ: Շաքրոյին իր մարդիկ են պետք Թուրքիայում իր քաղաքականությունն առաջ տանելու և այդ տարածքը վերահսկող Ղուլի և Մերաբ կլանների հետ մրցելու համար:
Սակայն, շատ գողեր, որոնք գիտեին Չուրաձեի հետ կապված Գուրամի ծրագրերի մասին, այն բանից հետո, երբ նա փոխեց իր կարծիքը Շաքրոյի ազդեցության տակ, նրա պահվածքը ոչ գողական են համարել: