IPhone X-ի տերերը սկսել են բողոքել իրենց սմարթֆոնների մարտկոցների չափազանց արագ դեգրադացիայից: Սա ուղղակիորեն ազդում է սարքերի աշխատանքի վրա՝ գրում է Wccftech կայքը:
Բողոքները սկսել են հայտնվել Apple-ի և Reddit-ի ֆորումներում․ օգտվողները հիասթափված են իրենց սարքերի մարտկոցներից: Այսպիսով, iPhone X-ի շատ սեփականատերեր փաստել են, որ սարքը հանկարծակի անջատվում է, երբ մնացած լիցքավորումը դեռ 20 տոկոս է կազմում: Սմարթֆոնի սեփականատերերը հետաքրքրվում են`արժե՞ արդյոք փոխել գաջեթը, թե՞ տանել սպասարկման կենտրոն:
Apple-ը արձագանքել է բողոքներին՝ նշելով, որ iPhone X-ի մարտկոցը հաշվարկված է նորմալ պայմաններում 500 լրիվ լիցքավորման ցիկլերի համար, և այդ ընթացքում մարտկոցի կարող է կորցնել մինչև 20 տոկոսը հզորության: «Եթե երաշխիքային ժամկետը լրացել է, Apple-ն առաջարկում է մարտկոցների վճարովի սպասարկում»,- ասված է հայտարարության մեջ:
