Ռուսաստանում ամենաճանաչված լրագրողներն են Անդրեյ Մալախովը, Վլադիմիր Պոզները և Վլադիմիր Սոլովյովը, ընդ որում՝ հանդիսատեսի շրջանում ամենաբարձր վստահությունը վայելում են Պոզները, Ալեքսանդր Գորդոնը և Արկադի Մամոնտովը: Այս մասին հայտնում է РИА Новости-ն՝ վկայակոչելով Mediascope-ի ուսումնասիրությունը:
Հարցման համաձայն, Մալախովին ճանաչում է հարցվածների 96 տոկոսը, սակայն վստահում է ընդամենը 40 տոկոսը: Պոզներին ճանաչում է հարցվածների 89 տոկոսը, որից 58 տոկոսը վստահում է նրան: Սոլովյովին գիտի 84 տոկոսը , մինչդեռ վստահում է 48 տոկոսը:
Հարցմանը մասնակցել է 16 տարեկան և ավելի բարձր տարիքի 13 հազար մարդ:
