ԱՄՆ նախագահ Դոնալդ Թրամփը Ճապոնիայի վարչապետ Սինձո Աբեի հետ հեռախոսազրույցի ընթացքում քննարկել է առևտրային հարաբերություններին, Իրանին և Հյուսիսային Կորեային առնչվող հարցեր: Այս մասին հաղորդել է Սպիտակ տան մամուլի քարտուղարի տեղակալ Ջուդ Դիրը:
«Նրանք քննարկել են մի շարք երկկողմ հարցեր, այդ թվում՝ առևտրային հարաբերությունները: Առաջնորդները նաև քննարկել են Իրանի և Հյուսիսային Կորեայի հետ կապված դեպքերը»,- հաղորդել է Դիրը, որի հայտարարությունը տարածել է Սպիտակ տան մամուլի ծառայությունը:
«Նախագահ Թրամփը և վարչապետ Աբեն համաձայնել են պահպանել սերտ շփումները և համակարգումը՝ հատկապես վերջերս հնչած սպառնալից հայտարարությունների լույսի ներքո, որ կատարել է Հյուսիսային Կորեան»,- նշել է Սպիտակ տունը: