ԱՄՆ Դեմոկրատական կուսակցությունը, ձեռնարկելով ինպիչմենտի ընթացակարգ, խախտում է Սահմանադրությունը: Այս մասին հայտարարել է ԱՄՆ նախագահ Դոնալդ Թրամփը՝ փոխանցում է Reuters-ը:
«Նրանք (դեմոկրատները-խմբ.) խախտում են Սահմանադրությունը»,- ասել է Սպիտակ տան ղեկավարը՝ չհստակեցնելով, սակայն, թե ինչով է կոնկրետ արտահայտվում խախտումը:
Թրամփը նաև հերթական անգամ «անարդարացի» է համարել Ներկայացուցիչների պալատում քվեարկության արդյունքները:
Հիշեցնենք, որ ԱՄՆ Ներկայացուցիչների պալատը կողմ է քվեարկել իմպիչմենտին, այժմ քվեարկությունը պետք է տեղի ունենա Սենատում, որտեղ հանրապետականները մեծամասնություն են:
Իմպիչմենտի շրջանակներում ԱՄՆ նախագահին պաշտոնապես մեղադրում են երկու հոդվածով՝ իշխանության չարաշահում և Կոնգրեսի աշխատանքի խոչընդոտում:
