ԱՄՆ նախագահ Դոնալդ Թրամփի գեոլոկացիան հաջողվել է հետևել 2017 թվականին, մեկ օրվա ընթացքում, հաղորդում է The New York Times պարբերականը։
Հատուկ ծառայությունները հրաժարվել են թերթին որևէ մեկնաբանություն տալ այս կապակցությամբ։
Պարբերականը հետևել է Թրամփի տեղաշարժին Ճապոնիայի վարչապետ Սինձո Աբեի ժամանման օրը։ Դրա համար անհրաժեշտ է եղել ուսումնասիրել 12 միլիոն ամերիկացիների հեռախոսների ազդանշանների բազան։ 2016-2017 թվականների ընթացքում 50 միլիարդ ազդանշան է ուսումնասիրվել, ինչի արդյունքում հաջողվել է որոշել ԱՄՆ նախագահի գտնվելու վայրը։ NYT պարբերականը հավաստում է, որ Թրամփի գտնվելու վայրի տվյալները բացահայտելու համար մի քանի րոպե է պահանջվել։
Ամերիկյան առաջնորդի գտնվելու վայրը գաղտնազերծելու գործում օգնել է նախագահի Անվտանգության ծառայության աշխատակիցը։ Ազդանշանը նրա հեռախոսից է եկել, գրում է պարբերականը։
Քարտեզի վրա NYT-ն նշել է հեռախոսի տիրոջ և Թրամփի երթուղին այդ օրը։ Սկզբում նա դուրս է էկել Ֆլորիդայի իր կալվածքից, հետո գոլֆ-ակումբ է գնացել։ Հենց այնտեղ էր երկրի նախագահը հանդիպելու ճապոնացի վարչապետի հետ և գոլֆ խաղալու։ Մի քանի ժամ անց Թրամփը հյուրի հետ այլ գոլֆ-ակումբ են գնում և ճաշում են։ Դրանից հետո նրանք վերադառնում են Թրամփի կալվածք և գործնական ճաշկերույթ են ունենում։
