Թուրքիայի նախագահ Թայիփ Էրդողանը խոստացել է պատասխան միջոցներ ձեռնարկել, եթե Միացյալ Նահանգները պատժամիջոցներ սահմանի «Թուրքական հոսք» նախագծի դեմ: Համապատասխան հայտարարությունը նա լրագրողներին արել է ինքնաթիռում՝ վերադառնալով Մալայզիա կատարած ուղևորությունից՝ տեղեկացնում է TASS-ը:
«Նրանք (ամերիկյան իշխանությունների ներկայացուցիչները) ասում էին, որ քայլեր կձեռնարկեն S-400-ի և F-35-ի կապակցությամբ: Բայց դրանք ավարտված գործեր են, մենք այդ մասին քանիցս խոսել ենք: Այժմ նրանք առանց ամաչելու ասում են, որ պատժամիջոցներ կսահմանեն «Թուրքական հոսքի» կապակցությամբ: Անտարակույս, նման բոլոր քայլերի համար մենք նույնպես պատժամիջոցներ կկիրառենք»,-Էրդողանի խոսքը դեկտեմբերի 20-ին մեջբերում Է NTV հեռուստաալիքը:
Նա հավելել է, որ ԱՄՆ-ի կողմից այդ քայլը կարելի է դիտարկել որպես «բացահայտ միջամտություն Թուրքիային գործերին»:
ԱՄՆ նախագահ Դոնալդ Թրամփը, ինչպես սպասվում է, դեկտեմբերի 20-ին կստորագրի 2020 ֆինանսական տարվա ռազմական բյուջեն: Այն մասնավորապես նախատեսում Է հակառուսական պատժամիջոցներ «Հյուսիսային հոսք-2» և «Թուրքական հոսք» գազատարների նկատմամբ: