Ռուսաստանը հայելային պատասխան կտա իր դեմ ԱՄՆ-ի կողմից նոր պատժամիջոցների սահմանման դեպքում՝ դեկտեմբերի 19-ին հայտարարել ՝ ՌԴ-ի նախագահ Վլադիմիր Պուտինը Մոսկվայում կայացած ամենամյա մեծ մամուլի ասուլիսի ժամանակ՝ մեկնաբանելով այն հաղորդումները, թե ԱՄՆ-ի Կոնգրեսը դեկտեմբերի 18-ին հավանություն է տվել հակառուսական պատժամիջոցների խոշոր փաթեթին՝ տեղեկացնում է TASS-ը:
«Անտարակույս, դա կազդի մեր միջպետական հարաբերություների մակարդակի վրա, անտարակույս,- ասել է նախագահը:- Մենք գիտենք նրանց մոտեցումը. դա այն է, որ ԱՄՆ-ը մեզ հետ կաշխատի այնտեղ, որտեղ նրա համար հետաքրքիր է և շահավետ, և միևնույն ժամանակ Ռուսաստանի համար արգելք կստեղծի նման կարգի որոշումներով: Բայց մենք նույնպես, գիտենալով դա, կվարվենք հայելային կերպով, ահա և ամենը»: «Դրանում ոչ մի լավ բան չկա, դրանք բացարձակապես ոչ բարեկամական ակտեր են Ռուսաստանի նկատամամբ»,- հավելել է Պուտինը:
Դեկտեմբերի 18-ին ԱՄՆ Կոնգրեսի Սենատի արտաքին գործերի կոմիտեն հավանություն է տվել հակառուսական պատժամիջոցների խոշոր փաթեթին, որը, մասնավորապես, ԱՄՆ-ի նախագահ Դոնալդ Թրամփին պարտավորեցնում է սահմանափակումներ սահմանել Ռուսաստանի սուվերեն պարտքի դեմ: