Հինգշաբթի օրը իտալական կարաբիներները «Նդրանգետա» մաֆիոզ կազմակերպության դեմ պայքարի խոշորագույն գործողություն են իրականացրել՝ ձերբակալելով 334 մարդու:
Այս գործողությունը թույլ է տվել կազմաքանդել Վիբո-Վալենտիա նահանգում գործող Նդրանգետայի բոլոր խմբավորումները: Կատանջարո քաղաքի դատախազ Նիկոլա Գրատերիի խոսքերով, իրավապահները գործողություններ են իրականացնել Իտալիայի բոլոր շրջաններում՝ «Ալպերից մինչև Սիցիլիա»: Իտալիայից բացի, ձերբակալություններ են իրականացվել նաև Գերմանիայում, Շվեյցարիայում և Բուլղարիայում:
«Գործողության եզրափակիչ փուլին ավելի քան 3 հազար զինծառայող կարաբիներ է մասնակցել»,- ասել է Գրատերին:
Ձերբակալվածներին տարբեր մեղադրանքներ են առաջադրվել, այդ թվում՝ մաֆիոզ գործունեության մեջ ներգրավված լինելու, շորթման, գույքի յուրացման, սպանության, փողերի լվացման, խարդախության: