Մերձավոր Արևելքի երկրներում լարվածության աճ են հրահրում օտարերկրյա պետությունները, որոնք օժանդակում են ահաբեկչական կազմակերպություններին: Այդ մասին հայտարարել Է Իրանի Ազգային անվտանգության բարձրագույն խորհրդի քարտուղար Ալի Շամխանին:
«Մեզ հարկավոր Է քաջ գիտենալ՝ որտեղից են գալիս այնպիսի մի չարիքի արմատները, ինչպիսին ահաբեկչությունն Է: Մենք հիանալի հասկանում ենք, որ դրսից այս տարածաշրջան են գալիս օտարերկրյա ուժեր, որոնք ոչ միայն նպաստում են ահաբեկչության ծավալմանը, այլև զենք են մատակարարում գրոհայիններին»,-ասել Է Շամխանին՝ բացելով անվտանգության խորհուրդների քարտուղարների և ազգային անվտանգության հարցերով խորհրդականների բազմակողմ հանդիպումը:
Նա հայտարարել Է, որ մեկ տարի առաջ կայացած վերջին համանման հանդիպումից հետո Մերձավոր Արևելքում տեղի են ունեցել ոչ քիչ իրադարձություններ, որոնք սպառնացել են տարածաշրջանի պետությունների անվտանգությանն ու կայունությանը:
«Մեր տարածաշրջանում ահաբեկչությունն ու ծայրահեղականությունն այն դժբախտությունն ու չարիքն են, որոնք շարունակվում են և, ցավոք, սպառնում մեր ընդհանուր խաղաղությանն ու կայունությանը այս տարածաշրջանում: Մենք այլ ելք չունենք, քան համատեղ աշխատելն ու համագործակցելն այդ ոլորտում»,-ասել Է Իրանի անվտանգության խորհրդի քարտուղարը: Հանդիպմանը, որը դեկտեմբերի 18-ին ընթանում Է Թեհրանում, ժամանել են Ռուսաստանի, Աֆղանստանի, Չինաստանի, Հնդկաստանի, Տաջիկստանի և Ուզբեկստանի պատվիրակությունները, հաղորդել Է ՌԻԱ Նովոստի գործակալությունը:
