Սլովակիան պատրաստվել է Ուկրաինայով ռուսական գազի տրանզիտի հնարավոր դադարեցմանը և իր պահոցներում վառելանյութ է ամբարել, որը կբավարարի երեք ամիս։ Այս մասին հաղորդում է SME պարբերականը՝ հղում անելով երկրի էկոնոմիկայի նախարար Պետեր Ժիգիի խոսքերին։
Ժիգիի խոսքերով, եթե 2009 թվականի գազային ճգնաժամը կրկնվի և Սլովակիան առանց վառելիքի մատակարարման մնա, նա կկարողանա հումքը ստանալ այլընտրանքային երթուղիներով՝ Արևմտյան Եվրոպայից։
Ավելի վաղ Ժիգին հայտարարել էր, որ Ուկրաինայով ռուսական գազի մատակարարման դադարեցումը շատ հնարավոր է երևում։ Միևնույն ժամանակ նախարարը վստահություն էր հայտնել, որ ներկայումս Մոսկվայի և Կիևի միջև հարաբերություններում իրավիճակն ավելի մոտ է ճգնաժամայինին, քան բարեհաջող լուծմանը։
Ռուսաստանի և Ուկրաինայի միջև գազի տրանզիտի գործող տասնամյա պայմանագիրը ավարտվում է 2019 թվականի դեկտեմբերի 31-ին, և կողմերը դեռևս չեն համաձայնեցրել իրենց դիրքորոշումները համագործակցությունը շարունակելու վերաբերյալ։
