Վրաստանի նախագահ Միխեիլ Սաակաշվիլին ֆրանսիական Le Figaro-ին տված հարցազրույցում պատմել է ռուսական էլիտայի՝ իր հանդեպ վերաբերմունքի մասին և կրկնել, որ իրենք պատրաստ են սկսել բանակցություններ Ռուսաստանի հետ։ Ըստ նրա՝ ռուսական էլիտայի շրջանում Վրաստանի մասին պատկերացումը փոխվել է դեպի լավը։ «Ավելի շատ մարդիկ, որոնք նախկինում ՌԴ–ում բարձր պաշտոններ էին զբաղեցնում, դրական են արձագանքում վրացական տնտեսական բարեփոխումներին, մեր երկրում կոռուպցիայի դեմ պայքարին, ինչպես նաև ՆԳՆ համակարգի բարեփոխումներին։ Նրանք նշում են, որ վրացական օրինակը դրդել է ռուսական իշխանություններին համանման գործողություններ իրականացնել»,– ասել է Սաակաշվիլին։ Միաժամանակ Վրաստանի նախագահը հայտնել է, որ իր երկիրը կշարունակի Աբխազիայի և Հարավային Օսիայի հանդեպ վերահսկողությունը` վերականգնելու համար պայքարը՝ առանց ռազմական ուժ կիրառելու։ Նա նաև ընդգծել է, որ պատրաստ է Ռուսաստանի հետ բանակցել «առանց որևէ նախապայմանի», «ցանկացած մակարդակով» և «ցանկացած վայրում»։ «Պետք է խոսել իրար հետ»,– ասել է Սահակաշվիլին և ընդգծել, որ որոշ հարցերում Մոսկվան չի կարող հաշվի չառնել Թբիլիսիի կարծիքը»,- հայտնում է rbc.ru-ն։