ԱՄՆ-ն օգտագործում է թուրքական ռազմաբազաները միայն Անկարայի թույլտվությամբ: Այսպես է Պենտագոնը արձագանքել Թուրքիայի նախագահ Էրդողանի՝ երկրից ամերիկյան ռազմակայանները վտարելու սպառնալիքին:
Միացյալ Նահանգների Պաշտպանության նախարարությունում նշել են, որ ԱՄՆ-ի ուժերի կարգավիճակը Թուրքիայում ընկալում են որպես «երկար տարիների համագործակցության և ՆԱՏՕ-ում ռազմավարական դաշնակցի պաշտպանության խորհրդանիշ»: ԱՄՆ Պաշտպանության նախարարությունը ձգտում է պահպանել այդ հարաբերությունները՝ «հորդորելով Թուրքիային շարունակել կառուցողական քաղաքականությունը տարաձայնությունների շուրջ», – նշել է Պենտագոնի խոսնակը:
Հիշեցնենք, որ Էրդողանը հայտարարել էր, որ եթե Վաշինգտոնը պատժամիջոցներ կիրառի Անկարայի նկատմամբ, ապա նա կարող է փակել Ինջիրլիքի և Քյուրջիքի ավիաբազաները: