Ուկրաինայի պետական բյուրոն սպասում է Գերագույն ռադայի թույլտվությանը՝ նախկին նախագահ Պետրո Պորոշենկոյին մի շարք քրեական գործերով մեղադրանքներ առաջադրելու համար, հայտնում է REN-TV-ն:
Ըստ հեռուստաալիքի, Ուկրաինայի Հետաքննությունների պետական բյուրոյի տնօրեն Ռոման Տրուբան հայտարարել է, որ Ռադայի համաձայնությունն անհրաժեշտ է, քանի որ Պորոշենկոն խորհրդարանի պատգամավոր է:
Նա հավելել է, որ նախկին նախագահի դեմ հարուցվել է 15 քրեական գործ, և որ դրանցից յուրաքանչյուրը շատ բարդ է, և դրանց հետաքննությամբ զբաղվում է յոթ քննիչ:
Ավելի վաղ պետբյուրոն քրեական գործ էր հարուցել՝ Պորոշենկոյին կասկածելով պետական դավաճանության մեջ: Խոսքը Դոնբասի հակամարտության կարգավորման նպատակով նախկին նախագահի կողմից մինսկյան համաձայնագրերի ստորագրման մասին է:
Բացի այդ, նա ներգրավված է կոռուպցիայի, լիազորությունների չարաշահման, ապօրինի եկամուտների օրինականացման և այլ գործերում: