Friday, 29 03 2024
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին
Տղամարդը դանակահարել է նախկին կնոջն ու նրա քրոջը
Հայաստանը «դիվերսիֆիկացնում է» քաղաքականությունը, Ռոսատոմը մոդեռնիզացնում է Մեծամորի ԱԷԿ-ը
Գործակալ հիշեցնող Շահրամանյանը
Բաքվի խոշոր «խաղադրույքը»
Կլիմայի փոփոխության բացասական ազդեցությունը նկատելի է գյուղատնտեսության և տնտեսության մի շարք այլ ճյուղերում. փոխնախարար
Ռուսաստանում տեղի ունեցած ահաբեկչության գործով նոր կասկածյալ է հայտնվել
Արմեն Գևորգյանը ԵԽԽՎ դիտորդական առաքելության կազմում կհետևի Հյուսիսային Մակեդոնիայի նախագահական ընտրություններին
Մի համագործակցության խրոնիկա
Հայաստանը չունի ավելի ուժեղ զենք, քան միջազգային իրավունքը. չկրակելը խելամիտ չէ
Սասունցի Դավթի դարաշրջանը չէ. ԱՄՆ-ից ակնկալիքներին զուգահեռ պետք է ամրապնդել պետությունը
Երևանում ծառի ճյուղը թեքվել և ընկել է էլեկտրական լարերի վրա. փրկարարները մասնատել են ծառի ճյուղը
21:40
Ղազախստանի դեսպանատունը խորհուրդ է տվել լքել Օդեսայի և Խարկովի մարզերը
Վիճաբանություն և ծեծկռտուք՝ անչափահասների մասնակցությամբ․ կա վիրավոր
Քանի՞ մարդ է թունավորվել Հայաստանում
«Հայաստանի և Ռուսաստանի հարաբերություններում ստեղծված իրավիճակը լավատեսություն չի ներշնչում»․ Լավրով
Բաքվի անհիմն մեղադրանքն ու խորամանկ խաղը Բրյուսելից առաջ
«Կրոկուսի ահաբեկչության հեղինակներն Ուկրաինայից զգալի գումարներ և կրիպտոարժույթներ են ստացել»․ ՌԴ ՔԿ

Երևանյան շենքերից մեկի շքամուտքում աղջիկը դանակահարել է ճանապարհը փակած երիտասարդին

Երևան քաղաքի ընդհանուր իրավասության դատարանի՝ Նոր Նորք վարչական շրջանում գտնվող նստավայրում Հարություն Մանուկյանի նախագահությամբ ընթանում է Էմմա Գ.-ի (անունը փոխված է) գործի դատական քննությունը:

Երիտասարդ աղջիկը մեղադրվում է տուժողին դիտավորությամբ ծանր վնաս հասցնելու համար՝ ՀՀ քրեական օրենսգրքի 112 հոդվածի 1-ին մասով:

Տուժողն աղջկան ծանոթ երիտասարդ է, դեպքը տեղի է ունեցել երևանյան շենքերից մեկի շքամուտքում, որտեղ գտնվում է աղջկա բնակարանը:

Ըստ մեղադրանքի՝ 2019 թվականի հունիսի 18-ին, ժամը 23-ի սահմաններում երևանյան շենքերից մեկի շքամուտքում Էմմա Գ.-ն ծանոթի՝ Արամ Ա.-ի (անունը փոխված է) կողմից իր հեռախոսը վերցնելու և չվերադարձնելու հարցի հետ կապված «վիճաբանության ժամանակ, գիտակցելով հանրորեն վտանգավոր հետևանքների առաջացման հնարավորությունը, Արամ Ա.-ին մարմնական վնասվածք պատճառելու անորոշ դիտավորությամբ իր մոտ եղած դանակով հարվածել է վերջինիս որովայնի առաջնային պատին և ձախ թիակի ու ձախ անութափոսի շրջանին՝ երիտասարդի առողջությանը պատճառելով ծանր վնաս»:

Դատական նիստի սկզբում ամբաստանյալ աղջկա շահերի պաշտպան, փաստաբան Արայիկ Ալվանդյանը միջնորդություն ներկայացրեց իր պաշտպանյալի նկատմամբ քրեական հետապնդումը դադարեցնելու վերաբերյալ՝ նրա գործողություններն իրավաչափ լինելու պատճառաբանությամբ:

Միաժամանակ պաշտպանը խնդրեց, որ դատարանն այդ միջնորդությունը քննության առնի ո՛չ անմիջապես, այլ՝ ավելի ուշ՝ քրեական գործում առկա ապացույցների հետազոտումից և հարցաքննություններից հետո:

Նմանատիպ միջնորդություն պաշտպանը ներկայացրել էր նաև գործի նախաքննության ավարտական փուլում, բայց քննիչի որոշմամբ միջնորդությունը մերժվել էր, նախաքննական մարմինը հաստատված էր գնահատել, որ աղջիկը դիտավորությամբ տուժողի առողջությանը պատճառել է ծանր վնաս:

Առաջադրված մեղադրանքում ամբաստանյալ աղջիկն իրեն մեղավոր չի ճանաչում:

Ըստ պաշտպանական կողմի դիրքորոշման՝ տուժողին դանակով հարվածներ հասցնելու պահին աղջիկը գտնվել է անհրաժեշտ պաշտպանության վիճակում, նրա գործողությունները եղել են իրավաչափ: Ամբաստանյալի շահերի պաշտպան, փաստաբան Ա. Ալվանդյանը մեր զրույցում պնդեց, որ իր պաշտպանյալը մինչև անգամ անհրաժեշտ պաշտպանության սահմանազանցում թույլ չի տվել, նա գտնվել է հե՛նց անհրաժեշտ պաշտպանության վիճակում, քանի որ շքամուտքում տուժողը փակել է նրա ճանապարհը, չի թողել տուն բարձրանալ, սեղմել է նրա պարանոցը, ու աղջիկն իր կյանքի համար իրական վտանգ է զգացել, փրկել է իր կյանքը…

Դատարանը սահմանեց ապացույցների հետազոտման կարգը՝ հետազոտել մեկ հատորից բաղկացած գործում առկա գրավոր փաստաթղթերը, իրեղեն ապացույցները, հարցաքննել վկաներին, տուժողին, վերջում՝ ամբաստանյալին:

Հրապարակվեցին գործում առկա փաստաթղթերը:

«Արմենիա» բժշկական կենտրոն էր ընդունվել կտրող-ծակող գործիքով ծանր վնասվածք ստացած երիտասարդը, հիվանդանոցից ահազանգել էին ոստիկանություն:

Տուժողը սկզբում, ըստ բժշկի հայտարարության, ի վիճակի չի եղել որևէ բան ասելու: Իսկ հետո, ըստ քննիչի կազմած արձանագրությունների, տուժողը նախ նշել է, թե վատ է զգում և չի կարող հարցաքննվել: Այնուհետև ասել է, թե պատրաստ կլինի հարցաքննվելու, երբ հիվանդանոցից դուրս գրվի:

Գործում առկա է օպերատիվ գրագրություն՝ ոստիկանության և քննչական բաժնի միջև, որտեղ նշված է, որ պարզվել է դեպքի վայրը՝ այն հանդիսանում է երևանյան շենքերից մեկի շքամուտքը:

Հիշյալ գրագրության մեջ առկա էր միտքը, որ շքամուտքում վիճաբանության ժամանակ աղջիկը դանակով հարվածել ու ծանր վնասվածք է պատճառել ընկերոջը:

Ամբաստանյալի շահերի պաշտպան, փաստաբան Ա. Ալվանդյանը հանդես եկավ հայտարարությամբ՝ նշելով, թե պարզ չէ՝ որտեղի՞ց է ոստիկաններին ու քննիչին հայտնի դարձել դեպքի վայրի հասցեն, աղջկա բնակության վայրի հասցեն, ինչպես նաև այն, որ աղջիկը դանակով տուժողին հարվածել է վիճաբանությա՛ն ժամանակ: «Վիճաբանություն չի՛ եղել»,- հայտարարեց պաշտպանը:

Հրապարակվեց դեպքի վայրի զննության արձանագրությունը: Զննությունը կատարվել էր դեպքից երկու օր անց՝ հունիսի 21-ին:

Շքամուտքի մետաղե դռան շրջանակի ու դռան ներսային մակերեսի վրա հայտնաբերվել էր մեկական «ծորացող» արնանման հետք, որոնցից նմուշներ էին վերցվել ու փաթեթավորվել:

Դեպքի վայրում և դրան հարակից շինությունների վրա տեսահսկող սարքեր ի հայտ չեն բերվել:

Հրապարակվեց դատաբժշկական փորձաքննությունների կենտրոնից ստացված գրությունը այն մասին, որ տուժողը չի ներկայանում փորձաքննության: Փորձաքննությունն ի վերջո անցկացվել ու եզրակացությունը տրվել էր հիվանդանոցից ուղարկված բժշկական փաստաթղթերի հիման վրա:

Ըստ դատաբժշկական փորձաքննության եզրակացության՝ տուժողին որովայնի շրջանում պատճառվել էր կտրած-ծակած, թափանցող վնասվածք՝ տասներկումատյա աղիքի միջանցիկ վնասումով, մեծ ճարպոնի վնասումով: Տուժողի առողջությանը պատճառվել է ծանր վնաս:

Առկա է եղել ևս մի ծակած-կտրած, չթափանցող վնասվածք՝ տուժողի ձախ անութափոսի ու թիակի շրջանում, որը նրա առողջությանը պատճառել է թեթև վնաս:

Եզրակացության մեջ արձանագրվել էր՝ եթե տուժողը անձամբ ներկայանա փորձաքննության, հնարավոր է, որ եզրակացության մեջ լինեն փոփոխություններ: Բայց փոփոխություններ չեն եղել, այդպիսիք չհրապարակվեցին:

Դատաբժշկական փորձաքննության ներկայանալուց հրաժարվել է նաև կասկածյալ աղջիկը՝ նշելով, թե ինքը մարմնական վնասվածքներ չի ստացել:

Աղջիկը որպես մեղադրյալ ներգրավվել է դեպքից մի քանի օր անց: Նրա նկատմամբ խափանման միջոց է ընտրվել չհեռանալու մասին ստորագրությունը:

Դատարանի դահլիճ բերվեցին գործով իրեղեն ապացույցները՝ տարբեր փաթեթներում փաթեթավորված՝ հանցագործության գործիք դանակը, տուժողի հագուստները, որ նրա հագին են եղել դեպքի պահին:

Դատահետքաբանական փորձաքննության եզրակացությամբ՝ տուժողի սպիտակ շապիկի վրա առկա են եղել կտրված վնասվածքներ որովայնի ու թիակի շրջաններում: Հագուստի վրա առկա են եղել արնանման հետքեր:

Քրեական գործում առկա են հեռախոսազանգերի վերծանումների արձանագրություններ, հեռախոսային օպերատորների պատասխաններ՝ ուղարկված հարցումների վերաբերյալ:

Դատարանն ավարտեց գործում առկա փաստաթղթերի ու այլ ապացույցների հետազոտումը: Հաջորդ նիստում դատարանը կանցնի վկաների հարցաքննություններին:

Լուսանկարը՝ Armeniasputnik-ի

Բաժիններ
Ուղիղ
Լրահոս
Որոնում