«Ամենակարևոր խնդիրն այն է, որ բնակչության մոտ պետք է վերականգնել իրավապահ մարմինների ու պետության նկատմամբ վստահության այն մակարդակը, որը ենթադրվում է, որ պետք է լինի և այս առումով կարևորագույն քայլերից մեկը, բնականաբար, պետք է լինի քրեական ենթամշակույթի հնարավորինս չեզոքացումը։ Ինչ վերաբերում է այն նախագծին, որն ԱԺ-ն ընդունեց, ապա այդ նախագիծը կաշխատի միայն այն պարագայում, երբ լինեն համակարգային փոփոխություններ, այսինքն, երբ որ փոխվի քրեակատարողական ծառայության համակարգը, երբ որ ՔԿՀ-ներում գտնվողները զգան, որ իրենք անկախ ամեն ինչից պետության պաշտպանության տակ են, այլ ոչ թե իրենցից ոմանց պաշտպանում են քրեական ենթամշակույթի անձինք և այլն և այլն, այսինքն բազում նրբություններ կան և միայն օրենքի ընդունմամբ այս հարցը չի լուծվելու»,-«Առաջին լրատվական»-ի հետ զրույցում ընդգծեց քրեական իրավունքի մասնագետ Աննա Մարգարյանը՝ խոսելով քրեական ենթամշակույթին հարող անձանց քրեական պատասխանատվության ենթարկելու օրենքի մասին։
Հիշեցնենք, որ օրերս Ազգային Ժողովն առաջին ընթերցմամբ ընդունեց Կառավարության ներկայացրած ՀՀ Քրեական օրենսգրքում փոփոխություններ և լրացումներ կատարելու և ՀՀ քրեական դատավարության օրենսգրքում լրացում կատարելու մասին օրենքների նախագծերի փաթեթը, ըստ որի՝ քրեական ենթամշակույթ կրող խմբի և անձանց՝ «օրենքով գողերի» նկատմամբ սահմանվում է քրեական պատասխանատվություն։
Մանրամասները՝ տեսանյութում։
