Գերմանացի սրտաբան Թորսթեն Դիլը բացահայտել է սրտանոթային համակարգի առողջության գաղտնիքը: Ըստ նրա՝ սրտի աշխատանքը պահպանելու համար պետք է պարբերաբար մարզվել և հետևել սննդակարգին՝ գրում է Focus- ը:
Դիլը նշել է, որ որպես բժիշկ ինքը փորձում է լավ օրինակ դառնալ իր հիվանդների համար․«Ես չեմ ծխում: Ես հետևում եմ դիետային, այսինքն՝ ուտում եմ քիչ քանակությամբ միս և շատ բանջարեղեն և ձուկ: Ես պահում եմ քաշս»:
Նա նշել է, որ սրտի հիվանդության կանխարգելման ամենակարևոր քայլը սպորտն է և դիմացկունության մարզումը: Բժիշկը նշել է, որ շաբաթական երեք ժամ զբոսնում է՝ անկախ եղանակից: Նրա կարծիքով՝ վարժության կանոնավորությունը շատ կարևոր է առողջության համար:
