Մոսկվայի կենտրոնում անց է կացվել «Քույրերի կամուրջ» հանրահավաքը՝ ի պաշտպանություն իրենց հորը սպանելու մեջ մեղադրվող Խաչատուրյան քույրերի: Այս մասին հաղորդել է «Նովայա գազետա»-ի թղթակիցը:
Հանրահավաքը տեղի է ունեցել Քրիստոս Փրկիչ տաճարի դիմաց՝ Պատրիարքական կամուրջի վրա, որը ակտիվիստները որոշել են անվանափոխել «Քույրերի կամուրջ»: Կազմակերպիչները դիմավորել են մասնակիցներին մետրոյի «Կրոպոտկինսկայա» կայարանի ելքի մոտ: Նրանց տրվել է է յասամանագույն ժապավեններ՝ «Ազատություն Խաչատուրյան քույրերին» հեշթեգով և կողպեքներ կարգախոսներով, որոնք մասնակիցները այնուհետև կախել են հենց կամրջի վրա: Ակցիայի կազմակերպիչներից մեկի՝ Մարինա Ստեցենկոյի խոսքով՝ վայրը պատահականորեն չէ ընտրված:
«Վերջերս Քրիստոս Փրկիչ տաճարում տեղի ունեցավ հանդիպում ընտանեկան բռնության մասին օրենքի ընդունման դեմ: Թվում է, թե քրիստոնեական արժեքներ ունեցող մարդիկ պետք է սատարեն այս օրենքին: Ավելին, այն պատմությունները, որ դրա պատճառով ընտանիքներից երեխաներ կվերցվեն, պարզապես առասպելներ են», – ասել է ակտիվիստը:
Ակտիվիստները պահանջում են դադարեցնել Խաչատուրյան քույրերի հետապնդումը: Ի թիվս այլ պահանջների՝ առկա է նաև ընտանեկան բռնության կանխարգելման մասին օրինագծի ընդունումը՝ հաշվի առնելով օրենքի աշխատանքային խմբի փոփոխությունները, պետական ճգնաժամային կենտրոնների ստեղծումը, ընտանեկան բռնության զոհերի հետ աշխատելու համար ոստիկանության վերապատրաստման դասընթացների ներդրումը: Կազմակերպիչները նաև պահանջում են վավերացնել Ստամբուլի Եվրոպայի խորհրդի Կանանց նկատմամբ բռնության կանխարգելման մասին կոնվենցիան:
На Патриаршем мосту в Москве проходит акция в поддержку сестер Хачатурян. Участники закрепляют ленты и замки со словами #свободусестрамХачатурян на перилах.
После этого активисты встанут в пикетную очередь.
За акцией наблюдают 4 полицейских.Фото: @novaya_gazeta pic.twitter.com/L6rlQEYM0k
— Новая Газета (@novaya_gazeta) December 14, 2019