2030-ին Չինաստանը կսկսի Miin ծրագրի իրականացումը, որի նպատակը արևային համակարգից դուրս տիեզերքի ուսումնասիրությունն է և կյանքի համար պիտանի մոլորակներ գտնելը: Այս մասին ասել է աերոտիեզերական գիտության և տեխնոլոգիաների չինական կորպորացիայի (CASC) գլխավոր տնօրեն Յուան Ցզին՝ հաղորդել է TASS-ը:
«Այս նախագիծը կդառնա հիմնարար հետազոտությունների ոլորտում Չինաստանի հերթական առաջընթացը», – ասել է նա:
Ըստ կորպորացիայի ղեկավարի՝ այդ նպատակների համար նախատեսվում է գործարկել մի քանի թռչող սարքեր, որոնք հագեցած են աստղադիտակներով, ինֆրակարմիր ցուցիչներով և այլ գործիքներով` արտաքին տարածքը դիտարկելու համար: Գիտնականները հիմնականում կենտրոնանալու են ջրի որոնման և ջերմաստիճանի պայմանների չափման վրա, այսինքն՝ այն պայմանների որոնման վրա, որոնք երաշխավորում են մարդու, կենդանիների, բույսերի, միջատների և միկրոօրգանիզմների գոյատևումը:
