86 տարեկանում՝ կարճատև հիվանդությունից հետո, մահացել է ամերիկացի դերասան, պրոդյուսեր և սցենարիստ Դենի Այելլոն: Այս մասին հայտնել է դերասանի ներկայացուցիչը:
Նշենք, որ Դենի Այելլոն ծնվել է 1933 թվականի հունիսի 20-ին Նյու Յորքում: Կինոյում իր կարիերան սկսել է 35 տարեկանից: Մինչ այդ աշխատել է որպես բանվոր:
Կարիերայի ողջ ընթացքում Այելլոն խաղացել է մոտ 90 դերեր: Առավել հայտնի է «Կնքահայր 2» և «Լեոն» ֆիլմերերից՝ երկուսում էլ մարմնավորել է Թոնի անունով մաֆիոզիի: Խաղացել է նաև «Մի անգամ Ամերիկայում» ֆիլմում, որտեղ մարմնավորել է ոստիկանապետ Վինսենտ Այելլոյին: