ԱՄՆ Ներկայացուցիչների պալատի դատական կոմիտեն հավանություն է տվել ԱՄՆ նախագահ Դոնալդ Թրամփին ուղղված իմպիչմենթի հոդվածներին․ դա են փաստում քվեարկության արդյունքները՝ գրում է RIA Novosti-ն:
Թրամփը մեղադրվում է երկու հոդվածով՝ լիազորությունների չարաշահման և օրենսդիրների աշխատանքի խոչընդոտման համար: 23 կոնգրեսական (դեմոկրատներ) քվեարկել են հօգուտ հոդվածների, 17-ը (հանրապետականները) դեմ են քվեարկել:
Հանրապետական կուսակցության դատական հանձնաժողովի անդամները կտրուկ քննադատել են որոշումը: Ըստ կոնգրեսական Մայք Ջոնսոնի՝ դա կհանգեցնի «երկրի հետագա տրոհմանը» երկու ճամբարի: Նրա գործընկեր Մեթ Գեյթսը, իր հերթին, համոզված է, որ դեմոկրատների՝ իմպիչմենթի վերաբերյալ բոլոր ապացույցները «շահարկումներ» են և «տարաձայնությունների» արտացոլում նրա մասին, թե ինչ քաղաքականություն է պետք վարել Ուկրաինայի նկատմամբ : Հանրապետականը կարծում է, որ ամերիկացի ժողովուրդը չի պաշտպանում Թրամփի իմպիչմենթը:
