Ուրբաթ իտալական Alitalia ավիաընկերությունը չեղյալ է հայտարարել 315 չվերթ՝ օդային տրանսպորտի աշխատողների, այդ թվում օդաչուների և բորտուղեկցորդների գործադուլի պատճառով: Այս մասին հայտնել է ավիաընկերությունը՝ համապատասխան տվյալները հրապարակելով իր կայքում:
«Ուրբաթ, դեկտեմբերի 13-ին Իտալիայի որոշ միությունների կողմից հայտարարված օդային ոլորտի աշխատողների 24-ժամյա գործադուլի պատճառով, Alitalia-ն ստիպված է չեղյալ համարել այս օրվա համար նախատեսված մի շարք ներքին և միջազգային չվերթներ»,- ասվում է ընկերության հաղորդագրության մեջ:
Աշխատանքի Իտալիայի գլխավոր կոնֆեդերացիան բողոքում է Alitalia ընկերության առանձին ակտիվների բաժանման և դրանց մասերի վաճառքի դեմ, ինչպես նաև պահանջում է, որ կառավարությունը մշակի ավիաընկերության նոր բիզնես պլան, որը կապահովի ներդրումներ և աշխատատեղերի պահպանում: Alitalia-ն այժմ գտնվում է արտակարգ իրավիճակների կառավարման ռեժիմում, որի ժամկետը շատ ավելին է գերազանցել նախնական ակնկալվող շրջանակը: